05 May Ein Gstanzl zum Schmunzln
Last Updated on 2021-05-06
Ursula Teurezbacher / Trainerin, Clownkünstlerin
Die Alexandra, die Gute, die hat viel Humor,
und wenn sie es zulässt, dann blitzt er hervor.
Sie tragt ihr Herz durt wo es hingheart, schau her
Oba a auf da Zung und des daugt ma so sehr.
Die Anna jo die hod a Händchen fürn Witz
Brauchst ihr nua zuahearn da hauts di vom Sitz.
Ihr Stimm is a Wahnsinn i versinkat gern drin
Und ois was si onpackt des mocht voi an Sinn.
Die Agnes hat a Gspia für leut groß oda kla
Sie hat a warmes Herzal oba is a gern ala
Mit ihr kunnt ma trotschn bis ans Ende der Wöd
Sie hoacht a gern zua wans nix söba dazöht!
Die Christine is a voller Familien Gsö
Ihre Wärme springt uma da wird ois ganz hö
In der Arbeit is sie a ganz taffe Person
Doch jetzt is sie grod in da Bildungspension
Die Monika studiert vü und denkt bevors spricht
Sie kann ois erklären, des glaubst du mir nicht
Ihr Herz schlogt für die oidn und dementigen Leid
Jede Faser ihres Körpers verspührt do a Freid.
Die Brigitte is für mi eine Sensation
Sie ois nett zu beschreibn des warad a hohn.
Gescheid und fesch und unglaublich tiaf
Steht sie fest im Leben drinnen da rennt a nix schiaf
Die Eva Maria is unsa guade Sö
Sie ruht in sich söba und schlogt kann Bahö
Und wanns dann wos sogt, dann triffts es genau
I sog da des is a ganz bsundrige Frau
Die Theresa verbirgt sie oba nur beim Yoga
Denn sonst is a Grode und sche is sie a
Sie siagt wos vüle a goa nimma segn,
sie siagt mitm Herzal und des is voi schee.
Die Doris jo glaubts mas, des muas i dazön,
ihr Hund der kann lochn oba davia ned bön
sie woa schon durt und a scho do
das jetzt bei uns ist jo do samma froh
Die Kathi is a gschickte mitm Computa
Ohne die wa die Sonja verlurn und ala
Sie sogt ois mit Bedacht und goa ned gschwind
I sitzat voi gern in ihrer Klass ois a Kind
Ursula Teurezbacher
Trainerin, Clownkünstlerin
0650/6361002